Siglingasamband Íslands

Sjálfboðaliða vefur ÍSÍ

Föstudagur, 03. maí 2013 10:32

Á nýliðnu Íþróttaþingi var opnaður vefurinn Allir sem einn. Um er að ræða vef þar sem sjálfboðaliðar innan íþróttahreyfingarinnar geta skráð þær stundir sem þeir starfa fyrir íþróttafélög sín. Hér er á ferðinni frábært framtak sem er enn í þróun og verður vonandi til þess að við fáum enn skýrari sýn á það frábæra starf sem sjálfboðaliðar vinna fyrir hreyfinguna. Það er auðvelt að skrá sig inn. Búið er að skrá inn öll íþróttafélög eina sem þarf að bæta við eru örstutta útskýringar og tíma. Það er von okkar að sem flestir skrái sig á vefinn Allir sem einn. þannig getum við í raun gert okkur grein fyrir því hversu öflugt starf unnið er hjá kayak og siglingafélögum í landinu.

Tengill á vefinn Allir sem einn

Síðast uppfært: Föstudagur, 03. maí 2013 10:56

Forgjafir Kjölbáta 2013

Þriðjudagur, 26. febrúar 2013 13:20

Opnað hefur verið fyrir umsóknir fyrir forgjöf kjölbáta 2013. Að vanda eru þetta IRC forgjafir gefnar út af RORC í Bretlandi. Til að sækja um forgjöf þarf að fylla út viðeigandi eyðublað sem er að finnna á hlekkjum hér að neðan og senda á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. Nánar upplýsingar um umsóknir má finna hér og á heimasíðu IRC. Ársrit IRC er einnig komið skrifstofu SÍL og þeir sem óska eftir því að fá eintak sent geta sent beiðni þess efnis á netfangið hér að ofan

Umsóknareyðublöð er að finna á hlekkjum hér að neðan

Endurnýjun án breytinga

Endunýjun með breytingum

Ný forgjöf

Síðast uppfært: Mánudagur, 29. apríl 2013 16:31

Notaðar Laser kænur til sölu.

Fimmtudagur, 29. nóvember 2012 14:43

Í viðleitni til að bæta og efla Laserflotann á Íslandi hefur SÍL haft samband við Laser í Bretlandi um aðstoð við að finna notaða Laserbáta. Hér fyrir neðan er listi af bátum sem samstarfsaðili okkar hefur fundið til fyrir okkur. Verðin fara nokkuð eftir aldri eins og sjá má á listanum. Ef þið hafið hug á að kaupa einhvern af neðangreindum bátum hafið þá sambandi við SÍL sem fyrst með því að senda tölvupóst á netfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. Athugið að listinn getur breyst því bátarnir eru til sölu og við höfum ekki forkaupsrétt á þeim. Um leið og bátur er pantaður er hann festur okkur og ekki seldur öðrum af þessu leiðir að allar pantanir eru bindandi. Pöntunum verður safnað saman í vöruhús í Bretlandi þar til að þeim verður pakkað í gám og sendir hingað til landsí mars á næsta ári.

Síðast uppfært: Miðvikudagur, 12. desember 2012 17:11 Nánar...

Siglingaþing 2013

Mánudagur, 25. febrúar 2013 10:35

Nú um helgina var haldið 40. Siglingaþing SÍL. Fundarstjóri var Valdimar Leo Friðriksson og leiddi hann fundinn áfram af röggsemi. Ólafur Rafnsson forseti ÍSÍ sat einnig þingið og ávarpaði það og sagði frá góðu samstarfi SÍL og ÍSÍ. Formaður SÍL minntist þess í ávarpi sínu að 40 ár eru liðin frá stofnun sambandsins og á þeim tíma hefði margt áunnist, eigi að síður stæði margt útaf og þá sérstaklega aðstöðu mál félaganna. Einnig minntist hann á að fjármálin væru erfið og því væri gripið til róttækra aðgerða til að rétta við rekstur sambandsins og safna aftur fé til átaksverkefna. Formanni fannst mikilvægt að félögin nýttu þau verkfæri og tól sem SÍL hefur framleitt á undanförnum árum til að byggja upp starf sitt. Það þjónaði littlum tilgangi fyrir sambandið að leggja fram mikla vinnu sem færi síðan forgörðum ef félögin nýttu sér hana ekki. Fyrir þinginu lágu veiga miklar lagabreytingar sem gengu í gegn snuðrulaus. Ný lög SÍL má finna hér en þau bíða nú samþykkis stjórnar ÍSÍ til að öðlast gildi. Smávægilegar breytingar urðu á stjórn SÍL Snorri Valdimarsson og Jakop Fríman Þorsteinsson gáfur ekki kost á sér til áframhaldandi stjórnarsetu. Nýjir komu inn þeir Ólafur Már Ólafsson og Martin Swift. Ársskýrslu sambandsins má einnig nálgast hér á vefnum

Síðast uppfært: Mánudagur, 25. febrúar 2013 12:58

Af Uppskeruhátíð SÍL

Þriðjudagur, 20. nóvember 2012 11:33

sillogo Uppskeruhátíð SÍL var haldin nú um helgina og veitt voru verðlaun fyrir góða frammistöðu bæði á sjó og á landi. Hátíðin fór fram í félagsheimili Ýmist og tókst vel. Félagar úr öllum félögum á höfuðborgarsvæðinu mættu og skemmtu sér saman yfir góðum mat og enn betri félagsskap. Verðlaun voru veitt fyrir Kayakmann og konu ársins eins voru verðlaun veitt fyrir Siglingamann og konu ársins. SÍL er einnig stollt af þeim verðulaunum sem veitt eru fyrir upprennandi siglingamenn og ræðara og til þeirra sem leggja sig sérstaklega framm til að koma renna stoðum undir frekara starfs SÍL með óeigingjörnu sjálfboðastarfi.