Valmynd

Details

Created: 26 February 2024

Siglingaþing starfaði með nýju sniði á laugardag og gekk afar vel fyrir sig. Í stað þess að nefndir starfi á þingu voru þær kosnar á síðasta ári og höfðu því möguleikann á að hittast fyrir þingið og fara vandlega yfir tillögur sem lágu fyrir þinginu og taka til þess þann tíma sem til þess þurfti.  Það lágu svo sem ekki margar tillögur fyrir þinginu að þessu sinni en afgreiðslan gekk hratt fyrir sig.  Lögð var fram skýrsla stjórnar og reiknginar auk þess sem samþykktar voru lagabreytingar og nýtt merki SÍL. Stefnan er tekin á áframhaldandi uppbygginu á fræðslustarfi og menntun þjálfar og keppnisstjórna á árinu. Gunnar Haraldsson var endurkjörinn formaður og flestir stjórnarmenn gáfu kost á sér til áframhaldandi setu og mun stjórnin skipa með sér verkum á næsta fundi.  Ný í vara stjórn er Susanne Möckel ræðari úr Kayakklúbbnum. Eins og minnst var á hér að framan var samþykkt nýtt merki SÍL sem byggir á litum og formum úr gamla merkinu. Hönnuður er Björn Jónsson Grafískur hönnuður og siglingamaður. Með lagabreytingu þingsins opnuðust möguleikar á nýju merki og nútímalegu sem hægt er að aðlaga að mismunandi notum þess. Hér eftir fylgja myndir af merkinu í mismunandi útfærslum 

Read more: Nýtt merki SÍL

Details

Created: 02 January 2024

Áramót Ýmis fór fram á gamlársdag eins og hefð er fyrir, ekki gafst færi á að setja báta á flot og hafa hefðbunda keppni þar sem kalt var og Fossvogin hafði lagt.  Eigi að síður var góð mæting enda hefur siglingafólk gaman af því að hittast og ræða málin. SÍL nýtti tækifærið til að verðlauna Siglingafólk ársins veita Íslandsbikarinn og efnilegasta siglarann.  Hólmfríður Gunnarsdóttir Brokey var útnefnd siglingakona ársins og Sigurður Haukur Birgisson var útnefndur Siglingamaður ársins. Mahaut Ingiríður Matharel Nökkva var útnefnd Siglingaerefni ársins.  Við útnefningar var horft til frammistöðu og ástundunar á árinu.  Það var svo áhöfnin á Dögun sem vann Íslandsbikarinn í ár. 

Details

Created: 08 November 2023

Nú eru allar ársskýrslur SÍL komnar á vef sambandsins. Það var nokkuð verk að skanna þær inn en nú er því lokið. Fyrir þá sem gaman hafa að því að kynna sér söguna og þær breytingar sem hafa átt sér stað innan íþróttarinnar þá er þarna kjörinn vettvangur til að grúska.  Í ár fagnar SÍL 50 ára afmæli og er því af nógu að taka. Sökum stærðar á skönnuninni var ekki hægt að geyma skýrslurnar á vefsvæði SÍL en hægt er að nálgast þær á Google drive. Hlekkur er á möppuna undir hlekkum -Um SÍL/Árskýrslur/Eldri ársskýrslur einnig er hægt að fara beint á safnið hér