Valmynd

Aðeins meira um skútuforgjafir

Details

Created: 26 June 2020

það er komin forgjöf fyrir Sigurborg

 

Skútuforgjafir 2020

Details

Created: 26 June 2020

Það eru komin ný forgjafarskírteini fyrir allar skútur nema Sigurborg og Íris

Erum að reyna að finna út af hverju þessar 2 hafa ekki skilað sér

 

 

Æfingabúðir dagskrá

Details

Created: 23 June 2020

ÆFINGABÚÐIR AKRANESI 2020  

Dagskráin byrjar sunnudaginn 28. júní eftir hádegi og æft verður alla daga fram á fimmtudag en á föstudag og laugardag verður æfingabúðamót. Nánari dagskrá er að finna hér á eftir. Áríðandi er að fólk skrái sig fyrir 26. júní og gott væri að vita hvort börn verða ein eða með foreldrum og hvort þau gista í sameiginlegri aðstöðu eða ekki. 

Aðstaðan:

Siglingaaðstaðan á Akranesi er sandfjaran við Langasand. Gistiaðstaða fyrir þátttakendur og aðstandendur þeirra verður í Grundarskóla, sem er rétt hjá sundlaug Akraness. Þar verður aðstaða til morgunverðar og funda. Þeir sem eru í gistingu verða að koma með dýnur og annan viðlegubúnað sjálfir. 

Dagskrá: 

Sunnudagur 28. júní er komudagur á Akranesi. Þátttakendur mæta á svæðið, taka báta af kerrum og sjósetja, koma sér fyrir í skólanum o.s.frv. Ekki verður boðið upp á mat eða kaffi þann daginn. Um kvöldið verður farið yfir uppbyggingu vikunnar. Annars verða dagarnir skipulagðir í meginatriðum á eftirfarandi hátt:

 08:00 - 08:40                 Morgunmatur 

08:40 - 09:40                  Æfing í sal / útihlaup 

09:40 - 10:20                  Fundur um viðfangsefni dagsins 

10:20 – 11:00                 Bátar gerðir sjóklárir 

11:00 - 13:00                  Æfingar á sjó 

13:00 - 14:00                  Hádegismatur með léttum fundi á eftir 

14:00 - 15:30                  Æfingar á sjó 

15:30 - 16:00                  Millimál / kaffi 

Eftir hádegi föstudaginn 3. júlí og laugardaginn 4. júlí verður haldið æfingabúðamót. 

Frágangur og brottför sunnudaginn 5. júlí en ekki verður boðið upp á mat eða kaffi þann daginn.

Þjálfarar

Yfirþjálfari verður Gunnar Kristinn Óskarsson en auk hans koma þjálfarar frá siglingafélögunum á landinu og sameina þeir krafta sína í að gera þessa viku einstaklega skemmtilega og eftirminnilega. 

Matarmál 

Innifalið í þátttökugjaldinu er: Morgunverður, brauð, álegg, morgunkorn ofl., sem framreiddur er í skólanum. Hádegisverður, t.d. súpa ofl. Millimál / kaffi, t.d. brauð og ávextir Grillpartí fimmtudaginn 2. júní. (staðsetning nánar auglýst síðar)

Kostnaður

Gjald fyrir æfingabúðir er fyrst og fremst matarkostnaður og gildir því einu hvort heldur sem gist er í sameiginlegri aðstöðu eða ekki. Gert er ráð fyrir að verðið verði um 18.000 krónur. (Sama gjald er fyrir aðstandendur og þjálfara) Hægt er fyrir aðstandendur að kaupa sig sérstaklega inn í grillpartíið fyrir 2.500 kr.

Skráning 

Skráningin fer fram hjá félögunum og skulu þátttakendur tilgreina hvort þeir séu í gistingu í skóla. Þá eru aðstandendur einnig beðnir um að skrá sig í mat eingöngu annars vegar eða hins vegar í mat og gistingu ef ætlunin er að taka annað hvort. Félögin eru svo beðin um að koma skráningarlistum sínum til Siglingasambands Íslands eigi síðar en 26 júní: netfangið er This email address is being protected from spambots. You need JavaScript enabled to view it.

Það sem á að koma fram í skránigunni:

Nafna þáttakanda

Sími Þáttakanda

Kennitala

Nafna forráðamann 

Sími forráðamann 

Nafna forráðamann 2 

Sími forráðamann  2

Hvort að hann ætlar að gista í skólanum

Bátur 

Annað 

Félögin eru skildi að skaffa umsjónar- og ábyrgðarmenn þeirra þátttakenda sem verða í gistingu í skóla. Þeir ábyrgðar aðilar sem koma með þátttakendur geta átt vona á að fá einhver minniháttar störf sem fylgja æfingabúðum sem þessum. 

Afþreying Fjölmargt er í boði á Akranesi og nágrenni fyrir foreldra og aðstandendur. Fjölmargir veitingastaðir eru í bænum auk safna og útivistarmöguleika. Við hvetjum alla til að taka reiðhjólin með. Allar nánari upplýsingar um bæinn og afþreyingu þar má finna á http://www.west.is/is/west/town/akranes