Frá æfingabúðum og úrlsit
- Details
Nú í liðinni viku voru Æfingabúðir SÍL. Í þetta sinn voru þær haldnar á Sauðárkróki í umsjón Siglingaklúbbsins Drangeyjar. Siglingasvæðið við Sauðárkrók er mjög skemmtilegt og stutt er í öldur og góðan vind. Eins og vanalega þá var erlendur þjálfari með í æfingabúðunum og í ár var það Bernat Gali frá Spáni sem hjálpaið okkur. Mæting á búðirnar var nokkru minni í ár en verið hefur undanfarin ár. Færri Optimistar voru en vanalega og munar þar helst um að ekki komu neinir Optimist siglarar frá Nökkva og eða Ými auk þess sem ekki tveir ungir Optimsist drengir úr Brokey eru á Írlandi við keppni á sama tíma. Ágæt mæting var í Laser Radial hópinn en þar hefði þó munað um þáttákendur frá Ými og Þyt. Á Laugardag var svo haldið Æfingabúðamótið. Sigldar voru þrjár umferðir á Optimist og fjórar í Radial flokki og Opnum flokki. Fresta varð fyrstu umferð um rúma klst vegna veðurs en um 11 kom hafgolan og hægt var að hefja keppni. Hafgolans styrktist þegar leið á keppnina og var mest um 8 m/s, með golunni kom nokkur alda sem var Optimistunum erfið. Í fyrsta sinn var veittur Eimskipsbikarinn en hann fékk það félag sem stóð sig best í öllum flokkum. Bikarinn féll í skaut Brokeyjar manna í þetta skipti. SÍL þakkar félögum í Drangey fyrir frábært starf og skemmtilegar æfingabúðir. Myndir og viðburðir eru á facebooksíðu Æfingabúðanna
Úrslit urðu eftirfarandi
NOR Eimskipsmót - æfingabúðamót
- Details
Lokamót Æfinabúðanna heitir nú Eimiskipsmót og af því tilefni hefur Eimskip gefið SÍL farandbikar sem fer ár hvert til þess félags sem fær flest verðlaun á hverju móti. Keppnisstjóri í ár verður Úlfur H. Hróbjartsson
Tilkynningu um keppni má finna hér.
Æfingabúðir Sauðárkróki
- Details
Nú styttist óðfluga í æfingabúðirnar á Sauðárkróki. Félagar í Siglingaklúbbnum Drangey standa í undirbúningi fyrir komu kænusiglara allstaðar af á landinu. Einn erlendur þjálfari verður í við Búðirnar og það er Bernard Gali frá Spáni en hann hefur undarfanra vikur starfað sem þjálfari hjá Siglingafélaginu Nökkva á Akureyri
Nánar um æfingabúðir mat gistingu og aðstöðu má finna hér
Miðsumarmót kænur 2014
- Details
Siglingafélag Reykjavíkur - Brokey hélt um helgina "Miðsumarmót Kæna 2014" Keppnin fór fram fyrir utan aðstöðu félagsins við Ingólfsgarð. Brautin var þríhyrningur þar sem bauja 1 var fyrir utan Nýherja, bauja 2 var rétt við Engey og bauja 3 var við Sólfarið. Optimist bátar tóku þríhyrning en Opinn flokkur sigldi þríhyrning og pulsu. Algert log var á laugardeginum og keppni því frestað þann dag. Skipstjórafundur var kl. 9 á sunnudagsmorgun og ljóst að keppnin yrði skemmtilega því mjög stöðugur 5 - 6 m/s til að byrja með en aðeins dró úr vindi þegar leið á daginn. Alls voru sigldar þrjár umferðir og allir keppendur voru gríðalega ánægðir þegar komið var í land eftir góðan siglingadag. Við verðlaunaafhendingu var boðið upp á veitingar að hætti félagsins því allir vita að Siglingafélag Reykjavíkur - Brokey er ekki bara siglingafélag :) Við þökkum öllum foreldrum og sjálfboðarliðum fyrir hjálpina.
Page 48 of 49